ირანის დედაქალაქ თეირანში რუსეთისა და ირანის საგარეო საქმეთა მინისტრების, სერგეი ლავროვისა და აბას არაღჩის შეხვედრა მიმდინარეობს. ინფორმაციას რუსული მედია ავრცელებს.

რუსეთის საგარეო საქმეთა მინისტრი სერგეი ლავროვი სამუშაო ვიზიტით თეირანში დღეს ჩავიდა.

რუსეთის საგარეო საქმეთა სამინისტროს პრესსპიკერის, მარია ზახაროვას განცხადებით, მოლაპარაკებებისას მინისტრები მნიშვნელოვან ყურადღებას დაუთმობენ „ბოლო პერიოდში უმაღლეს და მაღალი დონის შეხვედრების შედეგად მიღწეული შეთანხმებების შესრულებას, ასევე, ორმხრივი ყოვლისმომცველი სტრატეგიული პარტნიორობის შემდგომი განმტკიცების პრაქტიკულ ნაბიჯებს“.

მისივე თქმით, საგარეო საქმეთა მინისტრები ასევე დეტალურად განიხილავენ საერთაშორისო და რეგიონული დღის წესრიგის აქტუალურ საკითხებს, განსაკუთრებით კი ირანის გარშემო არსებულ ვითარებას.