რუსებმა ხარკოვს დაარტყეს, დაღუპულებს შორის ერთი ჩვილია, - ინფორმაციას უკრაინული მედია ავრცელებს.

რუსულმა ძალებმა ხარკოვის ოლქში ნოვა ვოდოლაგას ცენტრალურ პარკს დაარტყეს, რის შედეგადაც ორი ქალი და ერთი ჩვილი ბავშვი დაიღუპა.

მედიის ინფორმაციით, სავარაუდოდ, დარტყმა „გერან-3“ ტიპის დრონით განხორციელდა.

რუსების იერიშის შედეგად 15 ადამიანი დაშავდა, მათ შორის შვიდი ბავშვი.