აშშ-ს პრეზიდენტის დონალდ ტრამპის განცხადებით, უკრაინის სახელით მოლაპარაკებები ზელენსკის ნაცვლად სხვამ უნდა აწარმოოს.

„დროა, უკრაინის სახელით მოლაპარაკებები სხვამ აწარმოოს. მე რუსეთსა და უკრაინას შორის ომის შეწყვეტას ვუჭერ მხარს. გულწრფელად რომ ვთქვა, ზელენსკი საქმეს დიდად არ ეხმარება. ვფიქრობ, მას ომის დასრულება არ სურს, მე კი მსურს, რომ ადამიანები აღარ დაიხოცონ“, - განაცხადა აშშ-ის პრეზიდენტმა.

უკრაინის პრეზიდენტის, ვოლოდიმირ ზელენსკის პასუხად, რომ რუსეთისთვის სანქციების გაუქმებასთან დაკავშირებით აშშ-ის პრეზიდენტი „ისტორიის არასწორ მხარეს“ დგას, ტრამპმა განაცხადა, რომ „ზელენსკიმ არ იცის რას ლაპარაკობს“.

„მას ჩემთვის რომ მოესმინა, უკვე დიდი ხნის წინ გაცილებით უკეთეს შეთანხმებას მიაღწევდა და მის მხარეს მილიონობით ადამიანი ცოცხალი იქნებოდა“, - აღნიშნა ტრამპმა.