ჩვენ ვლადიმერ პუტინთან უკრაინის საკითხზე მოლაპარაკებებს ვაწარმოებთ, - ამის შესახებ აშშ-ის პრეზიდენტმა დონალდ ტრამპმა ჟურნალისტებს განუცხადა.

დონალდ ტრამპმა ჟურნალისტის შეკითხვას უპასუხა იმის შესახებ, თუ რატომ არ აამოქმედა რუსეთის წინააღმდეგ „გრემის კანონით“ გათვალისწინებული სანქციები.

„მე მოლაპარაკებების შუაში ჩაშლას არ ვაპირებ“, - განაცხადა ტრამპმა.

მისი თქმით, მზად არის რუსეთისა და ჩინეთის პრეზიდენტებთან, ვლადიმერ პუტინთან და სი ძინპინთან სამმხრივი შეხვედრის შესაძლებლობა განიხილოს.

„მე ამას გავაკეთებდი. არა იმდენად უკრაინის გამო, რადგან, გულწრფელად რომ ვთქვა, რუსეთი უკრაინასთან დაკავშირებით ნორმალურად იქცევა. ისინი დიდად არაფერს აკეთებენ. ასეა ჩინეთის შემთხვევაშიც. ჩვენ შეხვედრას ბირთვული იარაღისა და ბირთვული განიარაღების განსახილველად გავმართავდით“, - აღნიშნა ტრამპმა.