რუსეთმა და შეერთებულმა შტატებმა სასწრაფოდ უნდა განაახლონ დიალოგი სტრატეგიული სტაბილურობისა და ბირთვული განიარაღების საკითხებზე, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

„ჩვენ ამაში დარწმუნებული ვართ. ამის შესახებ არაერთხელ გვისაუბრია. სხვადასხვა დონეზე არაერთხელ განგვიცხადებია და დაგვიდასტურებია ჩვენი პოზიცია იმის თაობაზე, რომ აუცილებელია სტრატეგიული სტაბილურობისა და ბირთვული განიარაღების საკითხებზე დიალოგის რაც შეიძლება სწრაფად განახლება. ეს უაღრესად მნიშვნელოვანი თემაა“, - განაცხადა პესკოვმა ჟურნალისტებთან საუბრისას, როდესაც უპასუხა შეკითხვას, მიიჩნევს თუ არა რუსეთი საჭიროდ, რომ სტრატეგიული სტაბილურობის საკითხი რუსეთსა და აშშ-ს შორის თუნდაც პოტენციური ორმხრივი შეხვედრის დღის წესრიგში შევიდეს.

ამასთან, მისი თქმით, მოსკოვი ელის, რომ ამერიკელი მომლაპარაკებლები რუსეთის პრეზიდენტ ვლადიმერ პუტინს უკრაინელებთან და ევროპელებთან კონტაქტების შესახებ აცნობებენ.

„ვიმედოვნებთ, რომ უახლოეს მომავალში შევძლებთ შეხვედრის ორგანიზებას და ამერიკელი მომლაპარაკებლები, ბატონი უიტკოფი, შეძლებენ პრეზიდენტ პუტინს აცნობონ როგორც უკრაინელებთან, ასევე ევროპელებთან მათი კონტაქტების შესახებ“, - განაცხადა პესკოვმა, როდესაც უპასუხა შეკითხვას, არის თუ არა პრეზიდენტის გრაფიკში უიტკოფთან შეხვედრა, მას შემდეგ რაც ის ნორვეგიაში ვოლოდიმირ ზელენსკის, ნორვეგიის პრემიერ-მინისტრ იონას გარ სტორესა და ფინეთის პრეზიდენტ ალექსანდრ სტუბს შეხვდება.