საქართველოში ავსტრიის ეროვნული დღე და ავსტრიის წარმომადგენლობის 10 წლის იუბილე გაიმართა
20 ოქტომბერს ავსტრიის ეროვნულ დღეს გამართული ტრადიციული ღონისძიება წელს გამორჩეულად წარიმართა, რადგან ღონისძიება ასევე საქართველოში ავსტრიის წარმომადგენლობის გახსნიდან 10 წლის აღნიშვნას მიეძღვნა.
შეხვედრას ესწრებოდნენ ავსტრიის საელჩოსა და საკონსულოს წარმომადგენლები, საქართველოს საგარეო სამინისტროს წარმომადგენლები, დიპლომატები და საპატიო სტუმრები.
ავსტრიას და საქართველოს შორის ხანგრძლივი კულტურული და ეკონომიკური კავშირები განსაკუთრებით გაძლიერდა ბოლო ათწლეულების განმავლობაში, დამოუკიდებელი საელჩოსა და საკონსულოს გახსნამ კი ეს ურთიერთობები უფრო მჭიდრო და ეფექტური გახადა.
ღონისძიებაზე ასევე ხაზი გაესვა ქვეყნებს შორის თანამშრომლობის და ურთიერთობის გაღრმავებაში შეტანილ წვლილს.
კომპანია „გებრიუდერ ვაისის“ საქართველოს გენერალურ დირექტორს და საქართველოში ავსტრიის საპატიო კონსულს, ალექსანდრე ხარლამოვს გადაეცა ავსტრიის რესპუბლიკის წინაშე გაწეული დამსახურებისთვის ვერცხლის ჯვრის საპატიო ჯილდო.
ავსტრიისა და საქართველოს დიპლომატიურმა სამსახურებმა, კულტურულმა და საქმიანმა წრეებმა კიდევ ერთხელ შეაფასეს ბოლო წლებში მიღწეული წარმატებები და მომავალში ურთიერთობების გაძლიერების და გაღმავების გეგმებს კიდევ ერთხელ გაუსვეს ხაზი.
(R)
