ანდრეი სიბიგა - გასულ ღამეს კიევის მცხოვრებლებმა თავად მოისმინეს, თუ როგორი ხმა აქვს რუსულ „ჰუმანიზმს“ - დაშოშმინების პოლიტიკა, მორჩილება და პირფერობა ამ ომს ვერ დაასრულებს, ამას მხოლოდ ძალა შეძლებს!
გასულ ღამეს კიევის მცხოვრებლებმა თავად მოისმინეს, თუ როგორი ხმა აქვს რუსულ „ჰუმანიზმს“, - ასე ეხმაურება უკრაინის საგარეო საქმეთა მინისტრი ანდრეი სიბიგა რუსების მიერ კიევზე განხორციელებულ იერიშს.
ანდრეი სიბიგას ცნობით, კიევში რუსული იერიშების სამიზნე ენერგეტიკული ინფრასტრუქტურა, სამედიცინო დაწესებულებები, სავაჭრო ცენტრები და საცხოვრებელი უბნები იყო.
„დაშოშმინების პოლიტიკა, მორჩილება და პირფერობა ამ ომს ვერ დაასრულებს. ამას მხოლოდ ძალა შეძლებს“, - წერს სიბიგა X-ზე.
შეგახსენებთ, გასულ ღამეს რუსულმა ძალებმა კიევს ბალისტიკური რაკეტებით დაარტყეს. თავდასხმის შედეგად ერთი ადამიანი დაიღუპა და 22 დაშავდა, მათ შორის 4 ბავშვი.
