ჩემი დამოკიდებულება პუტინის მიმართ სრულიად ნათელია. მიმაჩნია, რომ თუ სანქციებს გავაუქმებთ, მას გავაძლიერებთ, - ამის შესახებ უკრაინის პრეზიდენტმა, ვოლოდიმირ ზელენსკიმ CNN-თან ინტერვიუში განაცხადა.

უკრაინის პრეზიდენტის განცხადებით, მასსა დ აშშ-ის პრეზიდენტ დონალდ ტრამპს შორის პირადი დაპირისპირება არ არსებობს. “არაფერი პირადული ჩემსა და პრეზიდენტ ტრამპს შორის. რა თქმა უნდა, სანქციების გაუქმების წინააღმდეგი ვარ”, - აღნიშნა ზელენსკიმ.

უკრაინის პრეზიდენტის თქმით, ნორვეგიის დედაქალაქ ოსლოში გამრთული შეხვედრა ნაყოფიერი იყო, თუმცა არ სჯერა, რომ პუტინს მშვიდობის მიღწევა სურს.

„პუტინი თამაშობს, იცით, ის მოთამაშეა. სამწუხაროა, რადგან ის სხვა ადამიანების სიცოცხლით თამაშობს და, რა თქმა უნდა, არ სურს ომის შეწყვეტა. ამიტომ, ჩვენი პარტნიორებისგან იმას ვითხოვთ, რომ მას გაძლიერებისა და ჩვენი გატეხვის შესაძლებლობა არ მისცენ”, - აღნიშნა ზელენსკიმ.