დავით გურამიშვილის პრემიის ლაურეატი ხვალ დასახელდება

საგურამოს ილია ჭავჭავაძის სახლ-მუზეუმში ხვალ დავით გურამიშვილის პრემიის მიმნიჭებელი საბჭოს სხდომა გაიმართება, რომელზეც პრემიის 2008 წლის ლაურეატი დასახელდება.

პრემიის პირველი ლაურეატი შარშან სრულიად საქართველოს კათოლიკოს-პატრიარქი, უწმინდესი და უნეტარესი ილია II გახდა.

პრემია დავით გურამიშვილის საზოგადოებამ 2007 წელს დაარსა. ის ენიჭება პირს საქართველოსთვის გაწეული განსაკუთრებული ჰუმანური ღვაწლისთვის.

პრემია წარმოადგენს 50-გრამიან ბაჯაღლო ოქროს მედალიონს, რომელიც შემკულია ძვირფასი თვლებით. მედალიონზე ტიხრული მინანქრით გამოსახულია დავით გურამიშვილი.