საინფორმაციო სააგენტო ინტერპრესნიუსი

„ჰეზბოლას“ თავისი ხალხი დაცვის ლეგიტიმური უფლება აქვს, - ამის შესახებ „ჰეზბოლას“ ოფიციალურმა წარმომადგენელმა, ჰასან ფადლალამ განაცხადა.

„მტერი ამ დანაშაულებისთვის საფასურს გადაიხდის. ჩვენ საკუთარი ხალხის დაცვის ლეგიტიმური უფლება გვაქვს და მათ დასაცავად ყველაფერს გავაკეთებთ“, - განაცხადა ჰასან ფადლალამ.

ლიბანის პრემიერ-მინისტრმა, ნაჯიბ მიკატიმ ქვეყნის საგარეო საქმეთა მინისტრს დაავალა, რომ ისრაელის მიერ განხორციელებული სარაკეტო დარტყმების გამო გაერო-ს უშიშროების საბჭოში საჩივარი შეიტანოს.

შეგახსენებთ, გუშინ, ლიბანის ტერიტორიიდან განხორციელებული სარაკეტო დარტყმების შედეგად ისრაელის ჩრდილოეთით მდებარე სამხედრო ბაზაზე ერთი ჯარისკაცი დაიღუპა. „ჰეზბოლას“ სარაკეტო დარტყმებზე პასუხისმგებლობა არ აუღია. მოგვიანებით, ისრაელმა სამხრეთ ლიბანის ტერიტორიაზე საპასუხო საჰაერო იერიშები განახორციელა. ადგილობრივი მედიის ცნობით, ისრაელის საჰაერო დარტყმების შედეგად, 10 მშვიდობიანი მოქალაქე დაიღუპა.