სამოდელო სააგენტო IC Model Managment-ი საქართველოში “ელიტ მოდელ ლუქის” კონკურსს ჩაატარებს
სამოდელო სააგენტო IC Model Managment-ი საქართველოში “ელიტ მოდელ ლუქის” კონკურსს წელს მესამედ ჩაატარებს.
;როგორც “ინტერპრესნიუსს” სააგენტოს ხელძღვანელმა ია კიწმარიშვილმა განუცხადა, “Ellite Model Look”-ი პროფესიული სამოდელო კონკურსია, რომელიც ხუთივე კონტინენტზე, 50-ზე მეტ ქვეყანაში ყოველწლიურად ტარდება და მისი მიზანი ტოპ მოდელების აღმოჩენაა.
;“საქართველოს შიდა შესარჩევი ტური 1-ელ ივლისს ჩატარდება, სადაც 15 საუკეთესო დამწყები მოდელი შეირჩევა. გოგონები წინასაკონკურსო მოსამზადებელ ეტაპს “მედში” გაივლიან. ექნებათ გადაღებები “კიკალა სტუდიოში”. მათი ფოტოები ვებ – გვერდზე www.elitmodellook.ge-ზე განთავსდება. კონკრუსის ფინალური ქასთინგი 31 ივლისს, ტელეკომპანია “იმედის” დილის ეთერში ჩატარდება”, - განაცხადა კიწმარიშვილმა.
;მისივე თქმით, კონკურსის გამარჯვებულს საფრანგეთის წარმომადგენელი გამოავლენს. “ელიტ მოდელ ლუქის” მსოფლიო ფინალი 18 ოქტომბერს, ჩინეთის ქალაქ სანიაში გაიმართება.
;“Ellite Model Look” - ის დამსახურებაა ისეთი ცნობილი ტოპ მოდელების აღმოჩენა როგორებიც ლინდა ევანგელისტა, სინდი კროუფორდი, სტეფან სეიმური, კლაუდია შიფერი და სხვები.
v-if="article.gallery" v-html="article.gallery"
