პრეზიდენტმა 2009 წლის შეჯამებისას იმ ფილმებზეც ისაუბრა, რომელთა გადაღებები და პრემიერებიც წელს შედგა

საქართველოს პრეზიდენტმა 2009 წლის შეჯამებისას იმ ფილმებზეც ისაუბრა, რომელთა გადაღებები და პრემიერებიც წელს შედგა.

~რუსთავი 2~-ს პირდაპირ ეთერში გამოსვლისას მიხეილ სააკაშვილი რენე ჰარლინის ფილმსაც შეეხო და განაცხადა, რომ არ ესმის ხალხის, ვინც ქილიკობს, სახელმწიფომ ჰოლივუდურ ფილმში ფული გადაიხადაო.

~ამიხსნან, რა ფული უნდა გადაგვეხადა ჩვენ ჰოლივუდისთვის. ენდი გარსიას ფული უჭირს?! ეს ჩვეულებრივი კომერციული პროექტია, რომელიც ათმაგს ამოიღებს. ფილმზე მუშაობდნენ ნიჭიერი ადამიანები, იდეალისტების ჯგუფი, რომლებიც ჩამოვიდნენ იქ, სადაც ჭეშმარიტებაა. ეს მოხდა იმ ფონზე, როცა რუსეთმა ცნობილი სერბი რეჟისორის გადაბირება უზარმაზარი თანხის ხათრითაც ვერ მოახერხა~, - განაცხადა სააკაშვილმა.

პრეზიდენტმა დოკუმენტური ფილმის ~რუსული გაკვეთილებისა~ და მისი ავტორების შესახებაც ისაუბრა. ~ნეკრასოვი ჩემთვის რუსეთის საუკეთესო მხარეა. მისი მეუღლე სასიკვდილო სარეცელიდან ადგა და საქართველოსთვის იმუშავა. რუსეთი ფინეთში გადაწვდა ნეკრასოვს და კუთვნილი სახლი დაუწვეს. თუ ვინმეს უნდა დავუდგათ საქართველოში ძეგლი, ეს არის ნეკრასოვი და მისი მეუღლე~, - განაცხადა სააკაშვილმა.;

მისივე თქმით, ცოტა ხნის წინ შედგა ნინო კირთაძის ახალი დოკუმენტური ფილმის პრემიერაც. ~გაიმართა თუ არა პრემიერა, დაიწყეს საუბარი, რომ ფილმი პროპაგანდისტულია. არ მესმის ასე როგორ უნდა ილაპარაკო მაშინ, როცა შენი ქვეყანა ასეთი დარტყმის ქვეშაა. ევროპაში არიან ადამიანები, ვისთვისაც საქართველო რომ არ არსებობდეს, შვებით ამოისუნთქავდნენ. რა თქმა უნდა მათ ახარებთ, როცა ხედავენ, რომ არსებობენ ქართველები, რომლებიც ყველაფერს დასცინიან. მათ სინდისზე იყოს~, - განაცხადა მიხეილ სააკაშვილმა.

;

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება