ასათიანის სახელობის ფსიქიატრიული საავადმყოფო მომავალ წელს დაიხურება, იქ მყოფი პაციენტები კი, სხვადასხვა კლინიკებში გადავლენ. ამის შესახებ განცხადება შრომის, ჯანმრთელობისა და სოციალური დაცვის მინისტრმა, ანდრო ურუშაზემ დღევანდელ საგანგებო ბრიფინგზე გააკეთა.

მინისტრის თქმით, იგეგმება ახალი კლინიკების აშენებაც, სადაც ფსიქიკური პრობლემების მქონე პირები განთავსდებიან. კლინიკები თბილისსა და მის შემოგრენში აშენდება.

ამასთან, ურუშაძის თქმით, 2004- 2010 წლებში მნიშვნელოვნად გაიზარდა ფსიქიატრიული სერვისების საბიუჯეტო დაფინანსება.

"ეს თანხები მკურნალობის ხარისხის გასაუმჯობესებლად, ექიმების და ექთნების სწავლებისა და ფსიქიატრიული დაწესებულების რეაბილიტაციისთვის არის განკუთვნილი", - განაცხადა ანდრო ურუშაძემ.

სამინისტროს მონაცემით, ამ ეტაპზე საქართველოში 100 000-ზე მეთი ადამიანია დარეგისტრირებული, რომლებსაც ფსიქიკური ჯანმრთელობის სერვისის მოხმარება სჭირდება.