საქართველოს განათლებისა და მეცნიერების მინისტრის პირველი მოადგილე კოკა სეფერთელაძე ხვალ, მუხიანში, თბილისის #175-ე საჯარო სკოლაში ახალ საცურაო აუზს გახსნის.
აუზის რეაბილიტაცია კომპანია "როიალ 2009"-მ განახორციელა. აუზი მუხიანის დასახლებაში მდებარე საჯარო სკოლის მოსწავლეებს გარკვეული შეღავათებით მოემსახურება. შეღავათებით ისარგებლებენ #175-ე სკოლის მასწავლებლებიც.
გარდა ამისა, სკოლის 300-მდე მოსწავლეს სოციალურად დაუცველი ოჯახებიდან, უფასოდ ჩაუტარდებათ ცურვისა და წყალბურთის გაკვეთილები. ღონისძიების ფარგლებში, წახალისების მიზნით, ამავე სკოლის რამდენიმე წარჩინებულ მოსწავლეს უფასო აბონიმენტები გადაეცემათ.
