Tiflis Business Tower-ის ახალ საგამოფენო ცენტრში ცნობილი ქართველი მხატვრის, რუსუდან ფეტვიაშვილის გამოფენა გაიმართა.
ქართველი მხატვრის პერსონალური გამოფენა დღეს თბილისის მერმა გიგი უგულავამ დაათვალიერა. გამოფენაზე 27 ნახატი იყო წარმოდგენილი, მათ შორის რამდენიმე ბატიკაზე და აბრეშუმზეა შესრულებული.
რუსუდან ფეტვიაშვილმა ხატვა წლის და ათი თვის ასაკში დაიწყო. ექვსი წლის ასაკში მისი პირველი პერსონალური გამოფენა შედგა. რუსუდან ფეტვიაშვილის ილუსტრაციებით გამოცემულია წიგნები: შოთა რუსთაველის "ვეფხისტყაოსანი" და "ქართული ზღაპრები".
მხატვარი შესულია კემბრიჯის ბიოგრაფიული ცენტრის მიერ გამოშვებულ წიგნში: "XX საუკუნის მსოფლიოს 2000 გამოჩენილი ადამიანი".
