საჯარო რეესტრი Google Earth-ში თბილისის უბნების პანორამული გალერეის ატვირთვას იწყებს.
პოექტის ფარგლებში პირველი 3D (სამგანზომილებიანი) გალერეა განახლებული აღმაშენებლის გამზირის ფოტოებით შეიქმნა, რომლის ნახვაც Google Earth-ზე უკვე დღეიდან შეიძლება.
პროექტის მიმდინარეობა ჟურნალისტებს საჯარო რეესტრის თავმჯდომარე სოსო წიქარიშვილმა და რეგისტრაციისა და კადასტრის სამსახურის ხელმძღვანელმა, ქეთი ტაბატაძემ დღეს გააცნეს.
ტაბატაძის განცხადებით, აღმაშენებლის გამზირის შემდეგ, თბილისის სხვა განახლებული უბნების გადაღება მოხდება. ამის შემდეგ კი კადასტრის სამსახური ბათუმის, სიღნაღის, მესტიის და სხვა ტურისტული ზონების 3D გალერეების შექმნაზე იმუშავებს.
როგორც საჯარო რეესტრში აცხადებენ, პოპულარულ საძიებო სისტემაში, Google Earth-ში თბილისისა და სხვა ქალაქების ამსახველი გალერეების ატვირთვის უმთავრესი მიზანი სწორედ ტურიზმის განვითარების ხელშეწყობაა.
