დათა ახალაია თავდაცვის მინისტრის მოადგილედ დაინიშნა

თავდაცვის მინისტრის მოადგილედ დათა ახალაია დაინიშნა. ამის შესახებ ინფორმაცია "ინტერპრესნიუსს" თავდაცვის სამინისტროს საზოგადოებასთან ურთიერთობის დეპარტამენტში დაუდასტურეს.

დათა ახალაია შსს-ში კუდ-ის უფროსი იყო. მან თანამდებობა მას შემდეგ დატოვა, რაც განხორციელებული სამთავრობო ცვლილებების შემდეგ შინაგან საქმეთა მინისტრად მისი ძმა, თავდაცვის უწყების ყოფილი ხელმძღვანელი ბაჩო ახალაია დაინიშნა.