"ჩემი ოჯახის კლინიკა" ფოთის საავადმყოფოდან ორი ექიმის გათავისუფლების მიზეზებს განმარტავს
"ჩემი ოჯახის კლინიკა" ფოთის ცენტრალური საავადმყოფოდან ორი ექიმის დათხოვნის შესახებ ინფორმაციას ავრცელებს .
როგორც "ინტერპრესნიუსს" "ჩემი ოჯახის კლინიკის" წარმომადგენლებმა აცნობეს, ოფთალმოლოგ ლიანა ცომაიას ჰოსპიტალში დაბალი დატვირთვა ჰქონდა, რის გამოც მას ხელშეკრულება აღარ გაუგრძელდა.
"ლიანა ცომაიამ 2012 წელს მხოლოდ 3 ოპერაცია ჩაატარა. ქ-ნი ლიანა აგრძელებს მუშაობას ფოთის პოლიკლინიკაში ოფთალმოლოგ-კონსულტანტის პოზიციაზე, სადაც ის პაციენტების მიღებას ამბულატორიულად გააგრძელებს. არსენ ტუღუში, რომელიც მუშაობდა ყელ-ყურის ექიმად, გათავისუფლდა აგვისტოში. ამის მიზეზი იყო პაციენტის საჩივარი. პაციენტმა ადმინისტრაციაში შემოიტანა საჩივარი, რომ არსენ ტუღუშმა მას სალაროს გვერდის ავლით ფულის გადახდა მოსთხოვა, რაც კლინიკაში დაუშვებელია", - აცხადებენ "ჩემი ოჯახის კლინიკაში".
ფოთის ცენტრალური კლინიკური საავადმყოფოს თანამშრომლები გუშინ გაიფიცნენ. მათი განცხადებით, საავადმყოფოდან ოფთალმოლოგ ლია ცომაიას და ყელ-ყურის ექიმ არსენ ტუღუშის გათავისუფლება პოლიტიკური ნიშნით მოხდა. გაფიცულების თქმით, საავადმყოფოს ისევ "ნაციონალური კლანი" და "მონოპოლისტი ალდაგი" მართავს, რომელიც 2011 წლიდან საავადმყოფოს მეპატრონეა.
v-if="article.gallery" v-html="article.gallery"
