"ცენტრ პოინტის" მშენებლობებით დაზარალებულთა წარმომადგენლები მთავარ პროკურორ არჩილ კბილაშვილს ხვდებიან. შეხვედრაზე მთავარ პროკურორთან ადვოკატი, ამ მშენებლობებით დაზარალებული მარინა კორძაძე, დაზარალებულ მენაშენეთა ასოციაციის თავმჯდომარე თემურ ფიფია და "ქართული ოცნების" ერთ-ერთი ლიდერი ლაშა ჩხარტიშვილი შევიდნენ.

როგორც შეხვედრის დაწყებამდე დაზარალებულთა წარმომადგენელებმა ჟურნალისტებთან საუბრისას განაცხადეს, მათ მთავარ პროკურორთან შეაქვთ მიმართვა, რომლითაც მოითხოვენ, რომ აღნიშნული საქმე ქალაქის პროკურატურიდან გენპროკურატორაში გადავიდეს.

მთავარ პროკურატურის შენობასთან 200-მდე დაზარალებულია შეკრებილი. ისინი მათი საქმის გამოძიებას და "ცენტრ-პოინტის" "ფინანსური პირამიდის" შემქმნელთა დასჯას ითხოვენ.