გლდანის ხაზის მიკროავტობუსების მძღოლები ხვალ, დილის 7 საათიდან გაფიცვას გეგმავენ. როგორც "ინტერპრესნიუსს" პარტია "საქართველოს გზის" წევრმა მამუკა ბალიაშვილმა აცნობა, მას მძღოლები დაუკავშირდნენ და მოსალოდნელი გაფიცვის შესახებ ინფორმაცია მიაწოდეს.

მისი თქმით, დღეს დილით, გლდანის ავტოპარკის ხელმძღვანელებმა #61-ე და #111-ე მიკროავტობუსის რამდენიმე მძღოლს მიკროავტობუსის გასაღები წაართვა და გაფიცვის შემთხვევაში სამსახურის დაკარგვით დაემუქრა.

ბალიაშვილის ინფორმაციით, მძღოლები ინდივიდუალური მეწარმის სტატუსის გაუქმებას, ნორმალური შრომის პირობების შექმნასა და დღიური გეგმის შემცირებას ითხოვენ.