თბილისის საკონცერტო დარბაზში თამარ გვერდწითელის საქველმოქმედო კონცერტი და ვარსკვლავის გახსნის ცერემონია გაიმართა .
თამარ გვერდწითელმა ცნობილი და ახალი სიმღერები შეასრულა. კონცერტზე დასწრების მსურველთა დიდი რაოდენობის გამო პარტერში სკამები დაამატეს. მაყურებელთა შორის სრულად საქართველოს კათოლიკოს-პატრიარქი ილია მეორე, საქართველოს ხელისუფლების წარმომადგენლები და პარლამენტარები იყვნენ.
თამარ გვერდწითელმა დუეტები რუსეთის ცნობილ მსახიობ დიმიტრი დიუჟევთან ერთადაც შეასრულა. გარდა ამისა, გვერდწითელმა პატრიარქის "ავე მარია" და "ალილუიაც" იმღერა. კონცერტზე კომპოზიტორ რუსა მორჩილაძის სიმღერის პრემიერაც შედგა.
სცენაზე დემოგრაფიული აღორძინების ფონდის გამგეობის თავმჯდომარე თამარ ჩიბურდანიძე და პარლამენტის ჯანდაცვის კომიტეტის თავმჯდომარე დიმიტრი ხუნდაძე ავიდნენ და საქართველოს დემოგრაფიული აღორძინების ფონდის მხარდაჭერისთვის თამარ გვერდწითელი ფონდის საპატიო წევრად აირჩიეს. გარდა ამისა, სცენაზე ავიდა კონცერტის ერთ-ერთი ორგანიზატორი დათო ოქიტაშვილი და დიმიტრი დიუჟევს თეთრი ჩოხა უსახსოვრა.
კონცერტის ბოლოს კი, თბილისის საკონცერტო დარბაზის წინ თამარ გევრდწითელის ვარსკვლავი გაიხსნა.
გვერდწითელის კონცერტი ტელეკომპანია "იმედის" იუბილის პროგრამის ფარგლებში გაიმართა.
