უჩა ნანუაშვილი - ჩეჩენი ლტოლვილები და ქისტები პროკურატურაში დაწყებულ გამოძიებას არ ენდობიან
ჩეჩენი ლტოლვილები და პანკისში მცხოვრები ქისტები ლაფანყურის სპეცოპერაციასთან დაკავშირებით პროკურატურაში დაწყებულ გამოძიებას არ ენდობიან,- ამის შესახებ, სახალხო დამცველმა უჩა ნანუაშვილმა რადიო "პალიტრას" ეთერში, გადაცემა "რეზიუმეში" განაცხადა.
მისი თქმით, მომხდართან დაკავშირებით პარლამენტის საგამოძიებო კომისიის შექმნა ყველაზე ოპტიმალური გამოსავალია. ნანუაშვილის განცხადებით, ჩეჩნური დიასპორისა და ქისტების თემის წარმომადგენლებს, პირებს, რომელთაც ინფორმაცია აქვთ, ასეთ კომისიასთან თანამშრომლობის სურვილი გააჩნიათ.
"ჩეჩენი ლტოლვილები და ქისტები გამოძიებას არ ენდობიან. ისინი ფიქრობენ, რომ ყველაფერი არ მიდის იქითკენ, საითკენაც უნდა წასულიყო, გამოძიება არ ინტერესდება იმ კონკრეტული ფაქტებით, რაზეც შეშფოთებას გამოთქვამენ. ამიტომ ჩავთვალეთ მიზანშეწონილად, რომ დამოუკიდებელი საპარლამენტო საგამოძიებო კომისია შეიქმნას, საზოგადოების წარმომადგენლებთან ერთად", - აღნიშნა უჩა ნანუაშვილმა.
v-if="article.gallery" v-html="article.gallery"
