თბილისში ბოსტონში დაშავებული ადამიანებისადმი სოლიდარობის გამოსახატავად მარათონი გაიმართება
თბილისში, ბოსტონის მარათონის ფინიშთან მომხდარი აფეთქების შედეგად დაზარალებული ადამიანების მიმართ სოლიდარობის გამოსახატავად სიმბოლური მარათონი გაიმართება. მარათონი ხვალ, კუს ტბაზე გაიმართება და მისი ორგანიზატორია ჯანსაღი ცხოვრების წესის მოყვარული საზოგადოება.
"ნებისმიერ მსურველს, 5-კილომეტრიანი მონაკვეთის გარბენით ან უბრალოდ გავლით საშუალება აქვს დაგმოს ძალადობა, სოლიდარობა გამოუცხადოს აფეთქების შედეგად დაზარალებულებს და მოახდინოს ჯანსაღი ცხოვრების წესის პოპულარიზაცია საქართველოში. ღონისძიებას სიამოვნებით შეუერთდა "ვისოლ ჯგუფი", ამერიკის სავაჭრო პალატის კორპორაციული სოციალური პასუხისმგებლობის კომიტეტი, PR კლუბი, "პალიტრა მედია" ჰოლდინგი, ავერსი, გაზეთი Financial და საზოგადოების ცნობადი სახეები", - აცხადებენ მარათონის ორგანიზატორები.
15 აპრილს, ბოსტონის მარათონზე საფინიშო ხაზზე ტერაქტი განხორციელდა, რომლის შედეგადაც, 3 ადამიანი დაიღუპა და 176 დაშავდა.
v-if="article.gallery" v-html="article.gallery"
