თამაზ თამაზაშვილი - ყველას ვუჩივლებ, პრეზიდენტსაც, გიგა ნასარიძესაც, "რუსთავი 2"-საც
კახეთის პოლიციის ყოფილი უფროსი თამაზ თამაზაშვილი იმ ადამიანებს ასახელებს, ვისთვისაც ჩივილს აპირებს. დღეს გართულ ბრიფინგზე მან განაცხადა, რომ ის უჩივლებს, როგორც პრეზიდენტს, ასევე გიგა ნასარიძეს, რომელმაც მისი დისკრედიტაციის მიზნით დაამზადა კლიპები.
"ყველას ვუჩივლებ, ვინც ამ საქმეში იყო გარეული, ვინც მე იარაღი ჩამიდო, ვინც დაავალა თანამშრომელს იარაღის ჩადება. ყველას ვუჩივლებ, პრეზიდენტსაც, გიგა ნასარიძესაც, "რუსთავი 2"-საც, ვინც გამოდიოდა ყოველ დღე და ჩემს კლიპებს აჩვენებდა, თითქოს მე ვიყავი ადამიანების გამტაცებელი, თითქოს მე ვიყავი ნარკორეალიზატორი, მკვლელი და ასე შემდეგ", - განაცხადა თამაზ თამაზაშვილმა.
მისივე თქმით, მთელი ამ ხნის განმავლობაში მათ ვერანაირი მტკიცებულება ვერ დადეს იმის დასადასტურებლად, რომ ის დამნაშავე იყო.
"მართლა რომ რამე დამეშავებინა, ორი წელი ვიმუშავე ოპერატიულ სამსახურში სხვადასხვა თანამდებობაზე ესენი არ იპოვიდნენ? სასაცილოა უბრალოდ" , - დასძინა თამაზ თამაზაშვილმა.
v-if="article.gallery" v-html="article.gallery"
