პეტრიაშვილის ქუჩაზე მდებარე 21-ე საჯარო სკოლაში სამართალდამცავები მუშაობენ. სკოლის შენობიდან ამჟამად მოსწავლეები ევაკუირებული არიან. როგორც "ინტერპრესნიუსს" 21-ე საჯარო სკოლის დირექტორმა მაია ჩიკვაიძემ განუცხადა, სასწავლო დაწესებულებაში 15 წუთის წინ საპატრულო პოლიციის თანამშრომლები მივიდნენ და შენობის დაცლა მოსთხოვეს.
ჩიკვაიძის ინფორმაციით, სავარაუდოდ 112-ში სკოლის შენობაში ბომბის არსებობის შესახებ შეტყობინება შევიდა. პერიმეტრი ამკრძალავში ლენტით არის შემოსაზღვრული. ადგილზე გამნაღმველები ჯერ არ მოსულან.
დირექტორის ინფორმაციით, მოვლენების დასრულების შემდეგ, სკოლაში სასწავლო პროცესი დღესვე განახლდება.
