საქართველოში ყველაზე გავრცელებული გვარებია ბერიძე, მამედოვი და კაპანაძე. ამის შესახებ სახელმწიფო სერვისების განვითარების სააგენტოს სტატისტიკაშია ნათქვამი.

უწყების ცნობით, 6 სექტემბრის მდგომარეობით, საქართველოში ყველაზე გავრცელებული გვარების ათეული ასეთია: ბერიძე – 28 289; მამედოვი – 27 662; კაპანაძე – 18 966; ალიევი 18 687; გელაშვილი – 18 128; მაისურაძე – 16 175; გიორგაძე 13 994; ლომიძე – 12 995; წიკლაური – 12 869; ბოლქვაძე – 12 306.

სახელმწიფო სერვისების განვითარების სააგენტო რეგიონების მიხედვით გვარების სტატისტიკურ მაჩვენებლებს ეტაპობრივად გაავრცელებს.