საქართველოს ბანკმა თბილისში ახალი Express სერვისცენტრი გახსნა. ახალ Express სერვისცენტრში მომსახურების მიღების საშუალება მომხმარებელს დღეიდან, დიდუბის მეტროპოლიტენის სადგურის მიმდებარედ აქვთ.

"საქართველოს ბანკის Express სერვისცენტრში მომხმარებელი ოპერატიულად სარგებლობს საბანკო სერვისებით. Express სერვისცენტრებში მოწყობილია ორი ზონა – მომხმარებელს ემსახურებიან როგორც მოლარე ოპერატორები, ყოველდღე დილის 9.00 საათიდან 21.00 საათამდე, შაბათ–კვირას – 10.00 საათიდან 18.00 საათამდე, ასევე არის თვითმომსახურების ზონა, სადაც 24 საათის განმავლობაში ხელმისაწვდომია: ინტერნეტბანკი, თვითმომსახურების ტერმინალი Express Pay-ი და ბანკომატი", - აცხადებენ "საქართველოს ბანკში".

ამ დროისთვის, ქვეყნის მასშტაბით "საქართველოს ბანკის" უკვე 47 Express სერვისცენტრი მოქმედებს. ახალ Express სერვისცენტრში 6 ადამიანი დასაქმდა.

დამატებითი ინფორმაცია Express სერვისცენტრების ქსელის შესახებ, შეგიძლიათ იხილოთ: www.expressbank.ge-ზე.