რუსთავის საფეხბურთო კლუბ ,,მეტალურგის" ფანკლუბის წევრებმა მეტალურგიული ქარხნის ადმინისტრაციის შენობასთან საპროტესტო აქცია გამართეს. ,,მეტალურგის" ფანკლუბის წევრები გუნდის სიმბოლურ ფასად - ერთ ლარად გასხვისებას აპროტესტებდნენ.

აქციის მონაწილეების განცხადებით, ,,მეტალურგი" 11 ივლისს გაიყიდა, ახალ მეპატრონეს გუნდის დასაფინანსებლად ერთი ლარიც კი არ დაუხარჯავს, გასაცემია ხელფასები და ფეხბურთის გუნდს დაშლა ემუქრება.

აქციის მონაწილეები მეტალურგიული ქარხნის გენერალურ დირექტორთან შეხვედრას მოითხოვდნენ, თუმცა მათ საწარმოს ადმინისტრაციამ შეხვედრაზე უარი უთხრა.