ტექნიკურ უნივერსიტეტში, დღეს ორგანიზაცია "სამართლის მეცნიერთა კავშირის " პრეზენტაცია გაიმართა. ორგანიზაცია სხვადასხვა უნივერსიტეტისპროფესორებით არის დაკომპლექტებული.

პრეზენტაციაზე კავშირის წევრთა, კერძოდ, სამართლის დარგის მეცნიერების, პროფესორების: ოთარ გამყრელიძის, გია მეფარიშვილის, ზურაბ ძლიერიშვილის, ჯემალ გახოკიძის, გია ლილუაშვილის და ვალერი ხრუსტალის წიგნების პრეზენტაციები მოეწყო.

პრეზენტაციას დაესწრნენ ქვეყნის უნივერსიტეტების, მთავრობის, სასამართლო ხელისუფლების, საერთაშორისო ორგანიზაციების, ქართული არასამთავრობო ორგანიზაციების, სამეცნიერო წრეების წარმომადგენლები.

"კავშირის მიზნებია სამართლის მეცნიერებისა და იურიდიული განათლების განვითარების ხელშეწყობა, სამართლის მეცნიერთა და მკველავართა, ასევე სამართლის დარგში სამეცნიერო კვლევების კოორდინაცია, სამართლის მეცნიერთა და პროფესორ-მასწავლებელთა უფლებათა დაცვა", - განაცხადა კავშირის თავმჯდომარემ ზურაბ ჭყონიამ.

ღონისძიებას საქალაქო სასამართლოს თავმჯდომარე მამუკა ახვლედიანიც დაესწრო.

"საქალაქო სასამართლო აუცილებლად ითანამშრომლებს "სამართლის მეცნიერებათა კავშირთან", ჩვენი მხრიდან ყველანაირი ხელშეწყობა იქნება, გვაქვს რამდენიმე ვებ-გვერდი, სადაც დაშტრიხული სახით გადის გადაწყვეტილებები. ამით გვინდა ხელი შევუწყოთ სამეცნიერო წრეებს, რომ შეისწავლონ ჩვენი გადაწყვეტილებები და გარკვეული პრაქტიკის განზოგადება მოახდინონ", - განაცხადა მამუკა ახვლედიანმა.