ქობულეთში, თამარ მეფის ქუჩაზე მშენებარე სახლიდან მინის ჩამოვარდნის შედეგად 10 წლის ბავშვი გარდაიცვალა. როგორც გარდაცვლილის ახლობლები აცხადებენ, ბათუმის ბავშვთა საავადმყოფოში მოზარდს რამდენიმე ოპერაცია ჩაუტარდა, მაგრამ გვიან ღამით ის გარდაიცვალა. ახლობლები ბავშვის გარდაცვალების საქმეზე გამოძიებას ითხოვენ.

"14 ოქტომბერს, 15:00 საათზე შარაძეების ოჯახში პატრულის თანამშრომელი მივიდა და 10 წლის გურამ შარაძე იკითხა. ბავშვი მეზობლის ბავშვებთან ერთად თამაშობდა, რა დროსაც მშენებარე სახლიდან ჩამოვარდნილი მინა თავზე დაეცა. ბავშვს შუშის ნამსხვრევები ჰქონდა თავში 4 მილიმეტრამდე და მისი გარადჩენა ექიმებმა ვერ შეძლეს", - აცხადებენ ახლობლები.

გარდაცვლილი გურამ შარაძე რუსეთის მოქალაქეა. ბავშვი სამ და-ძმასთან ერთად ქობულეთში მამიდასთან და ბებია-ბაბუასთან იზრდებოდა. მისი მშობლები რუსეთში ცხოვრობენ და მძიმე დაავადების მქონე შვილს მკურნალობენ.