კომუნიკაციების კომისიამ 21 რეგიონულ მაუწყებელს რადიოსიხშირული სპექტრით სარგებლობის უფლება მიანიჭა

საქართველოს კომუნიკაციების ეროვნულმა კომისიამ 21 ადგილობრივ (რეგიონულ) მაუწყებელს რადიოსიხშირული სპექტრით სარგებლობის უფლება მიანიჭა.

როგორც"ინტერპრესნიუსს" კომისიიდან აცნობეს, კომისიამ საქართველოს მთავრობის მიერ მოწონებული "ანალოგური მიწისზედა საეთერო ტელემაუწყებლობიდან ციფრულ მიწისზედა სატელევიზიო მაუწყებლობაზე გადასვლის სამოქმედო გეგმის და შესაბამისი რეკომენდაციების" თანახმად, ციფრული მაუწყებლობის უზრუნველსაყოფად რადიოსიხშირული სპექტრით სარგებლობის უფლება მიენიჭა. შპს "ეკომი", შპს ტელეკომპანია "გურჯაანი", შპს ტელეკომპანია "თანამგზავრი", შპს ტელე-რადიო კომპანია "თვალი", სს "ქვემო ქართლის ტელერადიოკომპანია", შპს "ომეგა", შპს ტელე-რადიო კომპანია "თრიალეთი", შპს ტელეკომპანია "დია", შპს ტელე-რადიო კომპანია "ბორჯომი", შპს სამაუწყებლო კომპანია "იმერვიზია", შპს ტელერადიო კორპორაცია "ინფორმკავშირი ტელევიზია არგო", შპს "იმპერია", შპს ტელერადიოკომპანია "რიონი", შპს დამოუკიდებელი ტელეკომპანია "მეგა-ტვ"-ი, შპს ტელე-რადიო პრესკომპანია "ზარი", ააიპ "მედია ცენტრს ღია აფხაზეთისათვის", შპს დამოუკიდებელ ტელეკომპანია "ეგრისი", შპს დამოუკიდებელ სამაუწყებლო კომპანია "გურია", შპს დამოუკიდებელ ტელერადიოკომპანია "ოდიში", შპს "ტელეარხ 25" და შპს სამაუწყებლო კომპანია "მეცხრე ტალღა".