ნაძალადევის რაიონის გამგებელი იური ვაზაგაშვილის ოჯახს უსამძიმრებს

ნაძალადევის რაიონის გამგებელი ზაზა გაბუნია იური ვაზაგაშვილის დაღუპვის გამო გარდაცვლილის ოჯახს უსამძიმრებს. "ვაზაგაშვილების ოჯახს კიდევ ერთხელ დაატყდა თავს უდიდესი ტრაგედია. სამძიმარს ვუცხადებ ოჯახს იური ვაზაგაშვილის გარდაცვალების გამო. ის ჩვენს მეხსიერებაში დარჩება, როგორც მებრძოლი და შეუპოვარი ადამიანი. ბატონი იური იყო უსამართლობასთან, ძალმომრეობასთან ბრძოლის ერთ-ერთი სიმბოლო და ასეთად დარჩება ის ყოველთვის. გამოძიება დაწყებულია სს კოდექსის 109-ე მუხლით, რაც გულისხმობს განზრახ მკვლელობას დამამძიმებელ გარემოებებში. საგამოძიებო უწყებები აქტიურად მუშაობენ და ვიმედოვნებ, სამართალდამცველები მოკლე დროში გამოიძიებენ როგორც იური ვაზაგაშვილის, ისე მისი შვილის, ზურაბ ვაზაგაშილის მკვლელობის საქმეს", - აღნიშნულია სამძიმრის წერილში.

იური ვაზაგაშვილი 20 იანვარს, კასპის რაიონში, სოფელ ყარაფილაში, საკუთარი შვილის, ზურაბ ვაზაგაშვილის საფლავთან მომხდარი აფეთქების შედეგად დაიღუპა. ფაქტზე პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს