სოფელ ყარაფილაში იური ვაზაგაშვილის ოჯახის წევრებს პოლიტიკოსები უსამძიმრებენ. სამძიმარზე იმყოფებოდნენ აფხაზეთისა და აჭარის ავტონომიური რესპუბლიკების მთავრობის წარმომადგენლები, სხვადასხვა პოლიტიკური პარტიების ლიდერები, მათ შორის: შალვა ნათელაშვილი, ჯონდი ბაღათურია, დიმიტრი ლორთქიფანიძე, თემურ შაშიაშვილი, ჯაბა ჯიშკარიანი.

ოჯახისთვის თანადგომის გამოსაცხადებლად მივიდნენ ასვე ყოფილი პოლიტპატიმრები. ყარაფილაში ელოდებიან საქართველოს პრემიერ-მინისტრსაც. იური ვაზაგაშვილს დღეს ყარაფილას სასაფლაოზე შვილების გვერდით დაკრძალავენ.