დამოუკიდებელი ექსპერტი - იური ვაზაგაშვილის გარდაცვალების საქმეზე სხვადასხვა სახის ექსპერტიზაა დანიშნული

იური ვაზაგაშვილის გარდაცვალების საქმეზე სხვადასხვა სახის ექსპერტიზაა დანიშნული, - ამის შესახებ "ინტერპრესნიუსს" დამოუკიდებელმა სასამართლო ექსპერტმა ზაზა ალთუნაშვილმა განუცხადა.

"პროკურატურაში ვიყავი, ექსპერტიზები დანიშნულია და ჯერჯერობით პასუხები არ არის. მე თავად უნდა ჩავერთო მოკვლევაში. ძალიან ბევრი ექსპერტიზაა დანიშნული, ამიტომაც გაიწელა დრო. საუბარი არ არის მარტო ასაფეთქებელი მოწყობილობის სახეობის დადგენაზე, ასევე დანიშნულია ქიმიური, დაქტილოსკოპიური, მიკრონაწილაკების ექსპერტიზა და ამიტომ გაიწელა დრო. მუშაობა მიმდინარეობს", - განაცხადა ალთუნაშვილმა.

იური ვაზაგაშვილი 20 იანვარს, კასპის რაიონის სოფელ ყარაფილაში საკუთარი შვილის, ზურა ვაზაგაშვილის საფლავთან მომხდარი აფეთქების შედეგად დაიღუპა. ფაქტზე პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა