საქართველოში სტუმრად მყოფი ფრანგი მსახიობი ალენ დელონი სრულიად საქართველოს კათოლიკოს-პატრიარქს, უწმინდესსა და უნეტარეს ილია მეორეს შეხვდა. მიღება გუშინ საღამოს საპატრიარქოში გაიმართა.

"ძალიან დიდი პატივია ჩემთვის, უზომოდ გახარებული ვარ პატრიარქთან შეხვედრით", - აღნიშნა ალენ დელონმა.

ფრანგმა კინოვარსკვლავმა საპატრიარქოში ქართული საგალობლები მოისმინა.

ალენ დელონი საქართველოში გუშინ დილით ჩამოვიდა. მსახიობმა ქართველი ჟურნალისტებისთვის პრესკონფერენცია გამართა. კინოვარსკვლავი დღეს სპორტის სასახლეში პაატა ბურჭულაძის 60 წლის იუბილესადმი მიძღვნილ კონცერტს გაუძღვება.