ნინო გვენეტაძეს  დეპუტატების მხარდაჭერის იმედი აქვს

პრეზიდენტის მიერ უზენაესი სასამართლოს თავმჯდომარის პოსტზე დასახელებული ნინო გვენეტაძე  დეპუტატების შეკითხვებზე საპასუხოდ მზად არის.

როგორც ნინო გვენეტაძემ ჟურნალისტებთან დღევანდელ შეხვედრაზე განაცხადა, ის შეეცდება საპარლამენტო კომიტეტების ფორმატში, მისი მოსმენის ფარგლებში, საკანონმდებლო ორგანოს წევრების წინაშე ღირსეულად წარსდგეს. ამასთან, გვენეტაძის თქმით, მას პარლამენტის მხარდაჭერის იმედი აქვს.

"მხარდაჭერის იმედი მაქვს. იმედი რომ არ მქონოდა პრეტენზიაც არ მექნებოდა წარდგენაზე, თუმცა ეს რთული და მუშა პროცესია. კანონმდებლობით გაწერილია გამოსვლები და შეხვედრები საკომიტეტო მოსმენებზე, შესაძლოა ეს სხვა ფორმატშიც მოხდეს. აბსოლუტური მხარდაჭერა, ბუნებრივია, ვერ იქნება, მაგრამ მე იმედი მაქვს, რომ პარლამენტში შესაბამისი პროცედურების დაწყების შემდეგ მე შევძლებ ძალიან ღირსეულად წარვდგე მათ წინაშე. შევეცდები სრულად და ამომწურავად ვუპასუხო დეპუტატების ყველა შეკითხვას, რომელიც მათ ექნებათ ჩემს სამოსამართლეო თუ მომავალ საქმიანობასთან დაკავშირებით. მხარდაჭერის იმედი მაქვს, თუმცა გადაწყვეტილება, ბუნებრივია, ჩემზე არაა დამოკიდებული", - განაცხადა ნინო გვენეტაძემ.

მისივე ინფორმაციით, უზენაესი სასამართლოს თავმჯდომარის თანამდებობაზე მისი კანდიდატურა პარლამენტში უკვე შესულია.

საქართველოს პრეზიდენტმა, გიორგი მარგველაშვილმა უზენაესი სასამართლოს თავმჯდომარის პოსტზე ნინო გვენეტაძე გუშინ დაასახელა. მოქმედ თავმჯდომარეს, კონსტანტინე კუბლაშვილს ვადა 23 თებერვალს ეწურება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის