საქართველოს უზენაესი სასამართლოს თავმჯდომარის პოსტზე პრეზიდენტის მიერ პარლამენტისთვის შეთავაზებულ კანდიდატურაზე პოზიციის ჩამოყალიბებას და სათანადო გადაწყვეტილების მიღებას მმართველი გუნდი დღეს აპირებს.

აღნიშნულ საკითხთან დაკავშირებით პარლამენტში 17:00 საათზე ფრაქცია "ქართული ოცნების" სხდომა, ხოლო 18:00 საათისთვის უმრავლესობის სხდომის გამართვა იგეგმება.

"ინტერპრესნიუსის" ინფორმაციით, ორივე სხდომა დახურულია, სადაც უშუალოდ უზენაესი სასამართლოს თავმჯდომარის კანდიდატურის ნინო გვენეტაძის მოსმენა არ იგეგმება.

გვენეტაძეს დღეს იურიდიულ საკითხთა კომიტეტში მოუსმენენ.