უზენაესი სასამართლოს თავმჯდომარის პოსტზე წარდგენილი ნინო გვენეტაძე სასამართლოს სისტემის და იუსტიციის უმაღლესი საბჭოს რეფორმირების საკითხებზე საკუთარ ხედვებსა და მოსაზრებებს იურიდიულ საკითხთა კომიტეტის წევრებს აცნობს.

უზენაესი სასამართლოს თავმჯდომარეობის კანდიდატი იმ ნაბიჯებზე საუბრობს, რაც მისი აზრით, სასამართლოს სისტემის გამჭირვალობის, მოსამართლეთა დამოუკიდებლობისა და მათი საქმიანობის სტანდარტის გაზრდის მიმართულებით უნდა გადაიდგას. კომიტეტის შეხვედრა ნინო გვენეტაძესთან კითხვა-პასუხის რეჟიმში მიმდინარეობს, რის შემდეგაც ფარული კენჭისყრა ჩატარდება.

დღესვე ნინო გვენეტაძეს ადამიანის უფლებათა დაცვის საპარლამენტო კომიტეტში მოუსმენენ.