რუსი ოპოზიციონერის, ბორის ნემცოვის მკვლელობაში ეჭვმიტანილი ორი პირი დაკავებულია. ამის შესახებ "დოჟდის" ცნობით, რუსეთის უსაფრთხოების ფედერალური სამსახურის ხელმძღვანელი ალექსანდრ ბორტნიკოვი იტყობინება. ასევე ცნობილია ეჭვმიტანილების ვინაობა. ისინი არიან ანზორ გუბაშევი და ზაურ დადაევი.

ბორტნიკოვმა რამდენიმე დღის წინ განაცხადა, რომ ნემცოვის მკვლელობაში ეჭვმიტანილი არსებობდა.

ბორის ნემცოვი 27 თებერვალს საღამოს კრემლთან ახლოს ხიდზე მოკლეს. მას 4 ტყვია ზურგის არეში მოხვდა, რის შედეგადაც ადგილზევე გარდაიცვალა. გამოძიება მკვლელობის რამდენიმე ვერსიაზე საუბრობს, მათ შორის რუსეთში დესტაბილიზაციის გამოწვევის მიზნით პროვოკაციული მკვლელობის ვერსიაზე. ასევე განიხილება ექსტრემისტების მხრიდან განხორციელებული თავდასხმის ვერსიაც. ვინაიდან გავრცელებული ცნობით, ოპოზიციონერს ისინი პარიზში ჟურნალ "შარლი ებდოზე" თავდასხმის დაგმობის გამო ემუქრებოდნენ.