ბორის ნემცოვის მკვლელობაში ერთ-ერთმა ეჭვმიტანილმა დანაშაულში მონაწილეობა აღიარა

რუსი ოპოზიციონერის, ბორის ნემცოვის მკვლელობაში ეჭვმიტანილმა, ზაურ დადაევმა დანაშაულში მონაწილეობა აღიარა. ამის შესახებ "ბიბისი" იტყობინება. მოსამართლის განცხადებით, დადაევმა აღიარებითი ჩვენება უკვე მისცა სასამართლოს. მომხდარს ჩეჩნეთის ლიდერი, რამზან კადიროვი "ინსტაგრამზე" გამოეხმაურა. მან ზაურ დადაევს "რუსეთის ნამდვილი პატრიოტი და ერთ-ერთი ყველაზე უშიშარი და მამაცი ჯარისკაცი" უწოდა. ამას გარდა, კადიროვმა აღნიშნა, რომ დადაევი ჟურნალ "შარლი ებდოში" რელიგიური კარიკატურების გამოქვეყნების წინააღმდეგი იყო.

"ყველა ვინც იცნობს ზაურს, იცის რომ ის ძალიან რელიგიური ადამიანია, როგორც ყველა მუსლიმანი. ის შოკირებული იყო "შარლი ებდოს" ქმედების გამო და მისი მხარდამჭერების კომენტარების გამო", - დაწერა კადიროვმა "ინსტაგრამის" საკუთარ გვერდზე.

მოსკოვის სასამართლომ ნემცოვის მკვლელობაში ეჭვმიტანილ ზაურ დადაევს და ანზორ გუბაშევს ბრალი წაუყენა. ისინი შაბათს დააკავეს. მოსკოვის სასამართლოს პრესსპიკერის, ანნა ფადეევას განცხადებით, მკვლელობასთან კავშირში კიდევ სამი ადამიანის ვინაობა გამოვლინდა. ერთ-ერთია დაკავებული ანზორ გუბაშევის ძმა, ასევე რამზატ ბახაევი და ტამერლან ესკეხანოვი. თუმცა, ისინი მკვლეობაში მონაწილეობას უარყოფენ.

ბორის ნემცოვი 27 თებერვალს, საღამოს, კრემლთან ახლოს ხიდზე მოკლეს. მას 4 ტყვია ზურგის არეში მოხვდა, რის შედეგადაც ადგილზევე გარდაიცვალა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს