ილია იაშინი ნემცოვის მკვლელობაში რადიკალი ისლამისტების კავშირს გამორიცხავს

27 თებერვალს მოკლული რუსი ოპოზიციონერის, ბორის ნემცოვის მოკავშირეს, ილია იაშინს ეჭვი ეპარება, რომ დაკავებული ეჭვმიტანილები პოლიტიკოსის მკვლელობაში რეალური მონაწილეები იყვნენ. ამის შესახებ იაშინმა "ბიბისი"-სთან ინტერვიუში განაცხადა.

მისივე თქმით, ნაკლებად სავარაუდოა, რომ ჩეჩენი ზაურ დადაევი და ანზორ გუბაშევი და კიდევ სამი ეჭვმიტანილი, რომლებიც დააკავეს, ბორის ნემცოვის მკვლელები იყვნენ. უფრო მეტიც იაშინი გამორიცხავს ნემცოვის მკვლელობაში რადიკალი ისლამისტების კავშირს. ის ირწმუნება, რომ რუსი ოპოზიციონერის მკვლელობის უკან სწორედ რუსეთის მთავრობა დგას.

მოსკოვის სასამართლომ ზაურ დადაევს და ანზორ გუბაშევს ბრალი უკვე წაუყენა. ისინი შაბათს დააკავეს. მოსკოვის სასამართლოს პრესსპიკერის, ანნა ფადეევას განცხადებით, მკვლელობასთან კავშირში კიდევ სამი ადამიანის ვინაობა გამოვლინდა. ერთ-ერთია დაკავებული ანზორ გუბაშევის ძმა, ასევე რამზატ ბახაევი და ტამერლან ესკეხანოვი. თუმცა, ისინი მკვლლეობაში მონაწილეობას უარყოფენ.

ბორის ნემცოვი 27 თებერვალს, საღამოს, კრემლთან ახლოს ხიდზე მოკლეს. მას 4 ტყვია ზურგის არეში მოხვდა, რის შედეგადაც ადგილზევე გარდაიცვალა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს