რუსი ოპოზიციონერის, ბორის ნემცოვის შვილი მამის მკვლელობაზე პასუხისმგებლობას ვლადიმერ პუტინს აკისრებს. ამის შესახებ თავად ჟანა ნემცოვამ "ბიბისისთვის" მიცემულ ინტერვიუში განაცხადა.

"მამაჩემი პუტინის მთავარი კრიტიკოსი იყო. ის იყო გავლენიანი ოპოზიციონერი რუსეთში. ის ებრძოდა პუტინს. მათ მოკლეს მამაჩემი, მე არ გავჩუმდები", - აღნიშნა ჟანა ნემცოვამ.

მისივე თქმით, ამ დროისათვის მიმდინარე გამოძიება მხოლოდ ფორმალურია და მის მიზანს მკვლელობის რეალური შემკვეთების გამოვლენა არ წარმოადგენს.

ბორის ნემცოვი 27 თებერვალს კრემლთან ახლოს ხიდზე მაშინ მოკლეს, როდესაც ის უკრაინელ მოდელთან, ანნა დურიცკაიასთან ერთად სეირნობდა. მკვლელობაში ბრალდებული 5 პირი დაკავებულია, თუმცა, არც ერთი მათგანი დანაშაულს არ აღიარებს.