ფოთის თეატრში რეფერენდუმისა და ზვიად გამსახურდიას ხსოვნისადმი მიძღვნილი საღამო გაიმართა
ფოთის ვალერიან გუნიას სახელობის სახელმწიფო პროფესიულ თეატრში რეფერენდუმისა და საქართველოს პირველი პრეზიდენტის, ზვიად გამსახურდიას ხსოვნისადმი მიძღვნილი საღამო გაიმართა.
მაყურებლის წინაშე ადგილობრივი ქორეოგრაფიული ანსამბლები და შემსრულებლები წარსდგნენ. ღონისძიებას ფოთის მუნიციპალიტეტის წარმომადგენლები და ზვიად გამსახურდიას ყოფილი თანაგუნდელები ესწრებოდნენ.
ღონისძიების დასასრულს სცენაზე ფოთისა და ხობის მიტროპოლიტი მეუფე გრიგოლი ავიდა და დამსწრე საზოგადოება დალოცა. საღამო ქალაქის კულტურის სამსახურის ორგანიზებით ჩატარდა.
დღეს საქართველოს პირველ პრეზიდენტს 76 წელი შეუსრულდებოდა. 31 მარტს, ზუსტად 24 წლის წინ, საქართველოს მოსახლეობამ საყოველთაო-სახალხო რეფერენდუმზე ქვეყნის დამოუკიდებლობას დაუჭირა მხარი. ამის საფუძველზე, 1991 წლის 9 აპრილს საქართველოს რესპუბლიკის უზენაესმა საბჭომ სახელმწიფოებრივი დამოუკიდებლობა აღადგინა. ისტორიული გადაწყვეტილება დღევანდელ ღონისძიებაზეც გაიხსენეს.
v-if="article.gallery" v-html="article.gallery"
