"თბილსერვის ჯგუფსა" და პროფკავშირებს შორის ურთიერთთანამშრომლობის ხელშეკრულება გაფორმდა. როგორც "ინტერპრენიუსს" თბილისის მერიიდან აცნობეს , ხელშეკრულებას "თბილსერვის ჯგუფის" დირექტორმა, გიორგი ბაგრატიონმა და პროფკავშირების მომსახურების სფეროს თავმჯდომარემ, მალხაზ ღონიაშვილმა მოაწერეს ხელი.
"თბილსერვის ჯგუფის" ხელმძღვანელის გიორგი ბაგრატიონის განცხადებით, ხელშეკრულება კომპანიაში დასაქმებულთა სოციალურ-ეკონომიკური პირობების გაუმჯობესებას ისახავს მიზნად.
"ჩვენთვის მნიშვნელოვანია თითოეული ჩვენი თანამშრომელი, მათთვის სამუშაო პირობების გაუმჯობესება, მათი ინტერესების დაცვა და სწორედ ამიტომ გადავწყვიტეთ დასაქმებულთა პროფესიულ კავშირთან ურთიერთთანამშრომლობის ხელშეკრულების გაფორმება", - განაცხადა გიორგი ბაგრატიონმა.
v-if="article.gallery" v-html="article.gallery"