გიგლა აგულაშვილი ირმა ინაშვილის მხარდამჭერებს მოუწოდებს, თითოეული დარღვევა გაასაჩივრონ

საგარეჯოში "ქართული ოცნების" მაჟორიტარობის კანდიდატის თამარ ხიდაშელის შტაბის წარმომადგენელი, გიგლა აგულაშვილი ირმა ინაშვილის შტაბის წარმომადგენლებს მოუწოდებს, თითოეული დარღვევა გაასაჩივრონ.

გიგლა აგულაშვილი აღნიშნულით ირმა ინაშვილის მიერ სოციალურ ქსელში გავრცელებულ ინფორმაციას გამოეხმაურა, რომლის თანახმადაც, რწმუნებულები და გამგებლები საარჩევნო უბნებთან დგანან და ხიდაშელის სასარგებლო აგიტაციას ეწევიან.

როგორც გიგლა აგულაშვილმა აღნიშნა, თამარ ხიდაშელის შტაბი ყველა დარღვევას აღწერს და ასაჩივრებს და იგი მოუწოდებს სხვა კანდიდატების შტაბებსაც, რომ იგივე გააკეთონ. ასევე გიგლა აგულაშვილმა განმარტა, რომ კანონის დარღვევა თამარ ხიდაშელის შტაბის ინტერესებში არ შედის და მისი მიზანია თითოეულ ამომრჩეველს დემოკრატიულ გარემოში მიეცეს არჩევანის დაფიქსირების საშუალება.

ირმა ინაშვილის ინფორმაციით, საგარეჯოში ყველა უბნის წინ დგანან სოფლების რწმუნებულები, გამგებელი.

"უფლებადამცველებისა და მედიისათვის უნდა გახსნილიყო ცენტრი, რომლის კარიც დაკეტეს. სამარცხვონოდ ნუ იქცევით. გარემოს დაცვის მინისტრი აცხადებს, რომ ელოდება პროვოკაციებს, რაც ცრუ მოლოდინია. მე არა ვარ პროვოკაციების მომხრე. არ გვჭირდება ეს. ჩემი შტაბი მუშაობს სრული მობილიზაციით", - წერს ირმა ინაშვილი "ფეისბუქის" გვერდზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024