არასამთავრობოები - საგარეჯოში არჩევნების მიმდინარეობისას რიგი დარღვევები გამოიკვეთა

საგარეჯოში შუალედური არჩევნების მიმდინარეობისას რიგი დარღვევები გამოიკვეთა, - ამის შესახებ არასამთავრობო ორგანიზაციების წარმომადგენლებმა განაცხადეს, რომლებიც პროცესის მიმდინარეობას აკვირდებიან.

კერძოდ, ერთობლივი ბრიფინგი უფლებადამცველთა გაერთიანების წარმომადგენელმა ნიკოლოზ მჟავანაძემ და საქართველოს დემოკრატიული პრინციპებისა და ადამიანის უფლებების დაცვის კავშირის ხელმძღვანელმა დავით ლილუაშვილმა გამართეს. როგორც ლილუაშვილმა აღნიშნა, უბნებზე ფიქსირდებიან პირები, რომლებსაც არ აქვთ უფლება საარჩევნო უბანზე ყოფნის.

ერთ-ერთი ასეთი ფაქტი დაფიქსირდა 28-ე საარჩევნო უბანზე, სადაც დიდი ჩაილურის სოფლის რწმუნებული იყო მისული.

"ეს არის საარჩევნო კოდექსის ნორმის დარღვევა. კენჭისყრის შენობაში საარჩევნო უბანზე უფლების არმქონე პირების ფაქტები ფიქსირდება, რომლებიც საარჩევნო ადმინისტრაციასთან კომუნიკაციას ამყარებენ. საუბარია, სავარაუდოდ მითითებებზე. ერთ-ერთ დამრღვევ პირად, რომელსაც არ ჰქონდა უფლება ყოფილიყო საარჩევნო უბანზე, იყო სოფელ დიდი ჩაილურის რწმუნებული. ეჭვებს ამყარებს ის გარემოებებიც, რომ თითქმის ყველა სოფელში რწმუნებულები იმყოფებიან თავიანთ თანმხლებ პირებთან ერთად და ახდენენ იქ მისულ ამომრჩევლის ნებაზე ზეწოლას. ადგილი აქვს სისხლის სამართლის დანაშაულს 162-ე მუხლის საფუძველზე, ეს 2 წლამდე თავისუფლების აღკვეთას ითვალისწინებს", - განაცხადა დავით ლილუაშვილმა.

მისივე თქმით, ასევე ფიქსირდება საარჩევნო უბნებზე ბიულეტენების არასწორი რაოდენობა. ასევე ბიულეტენების წინასწარ გამზადება, რაც, მისი თქმით, ჩვეულებრივი დარღვევაა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024