საოლქო საარჩევნო კომისიებში ამ დროისთვის 9 საჩივარია შესული

ამ დროისთვის საოლქო საარჩევნო კომისიებში 9 საჩივარია შესული, - ამის შესახებ ცესკოს სპიკერმა ანა მიქელაძემ ცესკოში გამართულ ბრიფინგზე განაცხადა.

მისი ინფორმაციით, მარტვილის საარჩევნო ოლქში 6, ხოლო საგარეჯოში 3 საჩივარია შესული.

"2 ადგილობრივ სადამკვირვებლო ორგანიზაციას სამ შემთხვევაში ერთი და იგივე საკითხთან დაკავშირებით აქვს წარდგენილი საჩივარი. ორივე ოლქში შეტანილი საჩივრები მხოლოდ უმნიშვნელო პროცედურულ ხარვეზებს ეხება. მათ უმრავლესობაზე დროულად მოხდა რეაგირება საარჩევნო ადმინისტრაციის მიერ. საოლქო საარჩევნო კომისიები თითოეულ საკითხზე იმსჯელებენ და შესაბამის კანონისმიერ გადაწყვეტილებას მიიღებენ", - განაცხადა ანა მიქელაძემ.

რაც შეეხება გიორგიწმინდის ინციდენტთან დაკავშირებით დასმულ შეკითხვას, ცესკოს სპიკერის განმარტებით, გიორგიწმინდის საკითხთან დაკავშირებით საოლქო-საარჩევნო კომისიაში საჩივარი შესული არ არის.

რაც შეეხება საუბნო-საარჩევნო კომისიას, ამასთან დაკავშირებით, ცესკო მოგვიანებით გაავრცელებს დეტალურ ინფორმაციას.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში