ლაშა მახარაძის მკვლელობისთვის ნაფიცი მსაჯულების მიერ გამტყუნებული გიორგი ოქროპირიძის ადვოკატები ხვალ მიღებულ ვერდიქტს გაასაჩივრებენ.

როგორც ადვოკატმა სულხან კომახიძემ ვერდიქტის გამოცხადების შემდეგ აღნიშნა, მსაჯულების გადაწყვეტილება გაუგებარია.

"როგორ შეიძლება ადამიანს არ ჰქონდეს იარაღი და უიარაღოდ ცეცხლნასროლი ჭრილობები მიაყენოს ადამიანს და მოკლას. ოქროპირიძე გაამართლეს იარაღის შეძენა-შენახვა-ტარების ნაწილში და გაამტყუნეს მკვლელობაში. ეს არის აბსურდული გადაწყვეტილება და აუცილებლად გავასაჩივრებთ", - განაცხადა სულხან კომახიძემ.

გიორგი ოქროპირიძის ვერდიქტის გამოცხადებას მისი მშობლები ესწრებოდნენ. ოქროპირიძის დედამ, ირა გოდერძიშვილმა სასამართლო კომენტარის გარეშე დატოვა.

ხვალ, 13:00 საათზე სასჯელის დანიშვნის სხდომაა ჩანიშნული გიორგი ოქროპირიძის მიმართ გამოტანილ ვერდიქტზე.

ნაფიცმა მსაჯულებმა ოქროპირიძე იარაღის უკანონო შეძენა-შენახვა-ტარების ნაწილში გაამართლეს და განზრახ მკვლელობის ნაწილში გაამტყუნეს.