კახა კალაძე - ჩვენი სურვილია გვქონდეს შესაძლებლობა, რუსეთიდან იმ მოცულობის ბუნებრივი აირი წამოვიღოთ, რამდენი მოთხოვნაც იქნება

ჩვენი სურვილია გვქონდეს შესაძლებლობა, საჭიროების შემთხვევაში, რუსეთიდან წამოვიღოთ იმ მოცულობის ბუნებრივი აირი, რამდენი მოთხოვნაც იქნება ქართულ ბაზარზე, - ამის შესახებ ენერგეტიკის მინისტრმა კახა კალაძემ ჟურნალისტებს "გაზპრომთან" მოლაპარაკებების კომენტირებისას განუცხადა.

"რუსეთთან მიმდინარე მოლაპარაკებებს რაც შეეხება, არ ვიცი ამას გინდა ულტიმატუმი დავარქვათ, გინდა მოთხოვნა, საუბარი მიმდინარეობს იმაზე, რომ მოხდეს გატარების თანხობრივი ანაზღაურება. აქედან გამომდინარე ქართულ მხარეს გვაქვს სურვილი და გვინდა, რომ ჩვენ მივიღოთ იგივე შედეგი, რასაც ვიღებდით ნედლეულის მიღების შემთხვევაში და ასევე, გვქონდეს შესაძლებლობა, საჭიროების შემთხვევაში წამოვიღოთ იმდენი მოცულობის ბუნებრივი აირი, რამდენიც იქნება მოთხოვნა ქართულ ბაზარზე და ამაში შეზღუდულები არ ვიყოთ", - განაცხადა კახა კალაძემ.

რაც შეეხება იმას, მიმდინარეობს თუ არა მოლაპარაკება კომერციული გაზის შეძენის თაობაზე და რა როლი აქვს ამაში სახელმწიფოს, კახი კალაძე აცხადებს, რომ კომერციული ბაზარი აბსოლუტურად დერეგულირებულია და ყველა კომპანიას აქვს შესაძლებობა პირდაპირ დაელაპარაკოს "გაზპორმს" იქნება ეს თუ "სოკარს" და სადაც უკეთეს ფასს მიიღებს, იმ ქვეყნიდან შემოიტანოს ბუნებრივი აირი.

"სახელმწიფო აქ არ ერევა და ამის შესაძლებლობები თვითონ კომპანიას გააჩნია", - აღნიშნა კახა კალაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება