ზუგდიდში მძღოლების აქციაზე 10 პირი დააკავეს
ზუგდიდი-თბილისისა და სხვა საქალაქთაშორისო ავტობუსებისა და მიკროავტობუსების მძღოლები ზუგდიდის ავტოსადგურის ტერიტორიაზე მორიგ საპროტესტო აქციას მართავენ.
როგორც ცნობილია ისინი კომპანია "მეტრო +"-ის ზუგდიდის სატრანსპორტო ბაზარზე შესვლას აპროტესტებენ.
ცოტა ხნის წინ ავტოსადგურის ტერიტორიაზე "მეტრო +"-ის ავტობუსები გამოჩნდა, რამაც აქციის მონაწილეების გაღიზიანება გამოიწვია. მათ ავტობუსებს კვერცხები დაუშინეს, რასაც აქციის მონაწილეებსა და სამართალდამცავებს შორის დაპირისპირება მოჰყვა.
პოლიციამ ადმინისტრაციული სამართალდარღვევისთვის 10 პირი დააკავა.
ამ წუთებში ავტობუსებს სამართალდამცავები იცავენ და მძღოლებს მათთან მიახლოების საშუალებას არ აძლევენ.
